Իսրայելը դեռ լուրջ մարտահրավերների է բախվում թշնամիների պատճառով. Նեթանյահու

Իսրայելի վարչապետ Բենիամին Նեթանյահուն հայտարարել է, որ մտադիր է հասնել վերջնական հաղթանակի, վերադարձնել բոլոր զոհված պատանդների մարմինները, շարունակել Իրանի և նրա աջակիցների դեմ պայքարը:

2023 թ. հոկտեմբերի 7-ի հարձակման հիշատակի արարողության ժամանակ Նեթանյահուն շեշտել է, որ Իսրայելը դեռ լուրջ մարտահրավերների է բախվում թշնամիների պատճառով, որոնք ցանկանում են վերազինվել։ Նա միևնույն ժամանակ նշել է, որ ներկայում կան զգալի հնարավորություններ հարևան արաբական երկրների հետ հարաբերությունները կարգավորելու համար։

Գազայի հատվածում հրադադարի համաձայնության առաջին փուլի համաձայն՝ հոկտեմբերի 13-ին ՀԱՄԱՍ-ը վերադարձրել է ողջ մնացած բոլոր 20 իսրայելցի պատանդներին, որի դիմաց իսրայելական բանտերից ազատ է արձակվել գրեթե 2000 բանտարկյալ։ Կողմերը շարունակում են աճյունների փոխանակումը: