Ռուսական զորքն ակտիվ է Պոկրովսկի և Կուպյանսկի ուղղություններում. ԶԼՄ-ներ

Ըստ Financial Times-ի՝ Ռուսաստանը ակտիվացրել է իր հարձակումը Ուկրաինայի արևելքում, և Դոնեցկի մարզի Պոկրովսկի շուրջ իրավիճակը վերջին շաբաթներին վատթարացել է։

Պարբերականը նշում է, որ ռուսական ստորաբաժանումների փոքր խմբերը սկսել են անցնել թույլ համալրված Ուկրաինական պաշտպանական կառույցների միջով ու մտնել քաղաք:

Կիրակի Ուկրաինայի նախագահ Վոլոդիմիր Զելենսկին հայտարարել է, որ ռուսներն իրենց հիմնական հարվածային ուժերը կենտրոնացրել են Պոկրովսկի դեմ։

Պոկրովսկը խոշոր տրանսպորտային հանգույց է և Ուկրաինայի հենակետներից մեկը Դոնեցկի մարզում։ Քաղաքի շուրջ բնակավայրերի համար մարտերը սրվել են 2024 թվականի ամռանը և շարունակվում են՝ երկու կողմերի համար տարբեր հաջողություններով։

Ռուսական զորքերը ակտիվ են նաև Կուպյանսկից հարավ-արևելք, որտեղ դիրքային բախումներ են գրանցվել։