Tesla-ն Թրամփի պատճառով միլիարդավոր դոլարների կորստի շեմին է. FT

ԱՄՆ նախագահ Դոնալդ Թրամփի հարկային օրինագծի (One Big Beautiful Bill) ուժի մեջ մտնելուց հետո Tesla արտադրողը կբախվի միլիարդավոր դոլարների շահույթի կորստի, հաղորդում է Financial Times-ը:

Պարբերականի գնահատմամբ՝ այս կետը և ոչ թե աճող բյուջետային պակասուրդն է պատճառ դարձել, որ ավտոարտադրողի ղեկավար, մոլորակի ամենահարուստ գործարարներից Իլոն Մասկը քննադատի փաստաթուղթը:

Օրինագիծը չեղյալ է հայտարարում CAFE դաշնային ստանդարտը, որը բենզինի և դիզվառելիքի մեքենաների արտադրողների հաշվին խրախուսում է էլեկտրական մեքենաներ արտադրողներին: Դրա օգնությամբ 2025 թվականի առաջին եռամսյակում Tesla-ն վաստակել է 595 միլիոն դոլար։ Եթե չլիներ այդ հոդվածը, ավտոարտադրողի բիզնեսը կդառնար անշահավետ, գրում է պարբերականը:

Անցյալ տարվա ընթացքում ընկերությունը ստանդարտի շնորհիվ ստացել է 2,8 միլիարդ դոլար, ինչը կազմում է ամբողջ շահույթի 39 տոկոսը: Tesla-ի աշխատակիցներից մեկը բացատրել է, որ որոշ գումար դեռ կարելի է վաստակել, սակայն երկարաժամկետ հեռանկարում այդ շուկան ընկերության համար փլուզվել է։

Մինչ այդ Թրամփը, ի պատասխան Մասկի կողմից իր վրա կատարված բազմաթիվ հարձակումների, նախազգուշացրել էր, որ կարող է դիտարկել միլիարդատիրոջը պատմական հայրենիք՝ Հարավային Աֆրիկա, արտաքսելու հարցը և խնայել բյուջետային միջոցները՝ դադարեցնելով նրա նախագծերի ֆինանսավորումը: