Ռուսաստանը զանգվածային հարձակում է իրականացրել Ուկրաինայի մի քանի շրջանի վրա

Կիրակի լույս երկուշաբթի գիշերը Ռուսաստանը նոր զանգվածային հարձակումներ է սկսել Ուկրաինայի վրա՝ օգտագործելով անօդաչու թռչող սարքեր և հրթիռներ։ Հիմնական թիրախներից մեկը Կիևն էր։ Քաղաքի չորս թաղամասերում կրակի տակ են հայտնվել բնակելի շենքեր և ենթակառուցվածքային օբյեկտներ։ Տեղական իշխանությունների տվյալներով՝ մեկ մարդ զոհվել է, յոթը՝ վիրավորվել։ Ռուսական հարձակման հետևանքով վնասվել է մետրոյի «Լուկյանովսկայա» կայարանի մուտքը։ Մարդիկ այս կայանում թաքնվում էին ավիահարվածներից։

Դնեպրոպետրովսկի մարզում ռուսական հարվածները, ըստ հաղորդումների, վնասել են գործարան, ենթակառուցվածքներ և բենզալցակայան։ Խարկովի քաղաքապետը հայտնել է, 12 հարձակման մասին, վնասվել են էլեկտրամատակարարման ցանցը և գազատարը, տուժածների մասին տեղեկությունները ճշտվում են:

Ռուսաստանի լայնածավալ ներխուժման է ենթարկվել նաև Ուկրաինայի արևմուտքում գտնվող Իվանո-Ֆրանկովսկը, տեղեկացնում է քաղաքապետ Ռուսլան Մարցինկիվը։ Նրա խոսքով՝ ռուսական զորքերը օգտագործել են տարբեր տեսակի հրթիռներ, ինչպես նաև «Շահեդ» տիպի հարձակողական անօդաչու թռչող սարքեր, տուժել է չորս քաղաքացի, վնասվել են քաղաքացիական ենթակառուցվածքներ։

Լեհաստանը կործանիչներ է օդ բարձրացրել՝ Ուկրաինայի տարածքի վրա Ռուսաստանի կողմից իրականացված զանգվածային օդային հարձակման պատճառով, հայտնել է Լեհաստանի զինված ուժերի օպերատիվ հրամանատարությունը։