Հայաստանի և Ադրբեջանի միջև խաղաղություն արդեն կա. Հաջիև

Հայաստանի և Ադրբեջանի միջև խաղաղություն արդեն կա. մեր սահմաններին խաղաղություն ու կայունություն է. տարածաշրջանում նոր ստատուս քվո է ձևավորվել՝ հիմնված օրինականության և լեգիտիմության վրա: Նման հայտարարությամբ է հանդես եկել Ադրբեջանի նախագահի օգնական Հիքմեթ Հաջիևը:

«Կարող է լինել խաղաղություն թղթի վրա, բայց իրավիճակը տեղում լինի բոլորովին այլ: Հիմա մեզ մոտ ճիշտ հակառակն է»,- նշել է Հաջիևը։

Միևնույն ժամանակ, նա հերթական անգամ կրկնել է Բաքվի պահանջը՝ կապված Հայաստանի Սահմանադրության հետ:

«Ամեն դեպքում, լավ է, որ մենք հայկական կողմի հետ պահպանում ենք երկկողմ հաղորդակցության ուղի: Խնդրահարույց հարցերի մասին մենք խոսում ենք բոլորովին բաց, առանց որևէ միջնորդության»,- նշել է պաշտոնյան:

Հաջիևի խոսքով՝ հարևան երկրների միջև վեճերը լուծելու համար կա դիվանագիտության և երկխոսության ճանապարհը։