Ադրբեջանի ու Թուրքիայի պաշտպանության նախարարները քննարկել են տարածաշրջանային անվտանգությանը վերաբերող հարցեր

Ադրբեջանի պաշտպանության նախարար Զաքիր Հասանովը Ստամբուլում մասնակցել է IDEF 2025 պաշտպանական արդյունաբերության միջազգային ցուցահանդեսին, հանդիպել Թուրքիայի ազգային պաշտպանության նախարար Յաշար Գյուլերի հետ։

Հաղորդվում է, որ հանդիպմանը քննարկվել են ռազմական, ռազմատեխնիկական և ռազմակրթական ոլորտներում երկու երկրների միջև համագործակցության ներկա ընթացքն ու զարգացման հեռանկարները։

Ընդգծվել է նաև, որ ռազմավարական համագոծակցության ամրապնդման առումով նշված ցուցահանդեսը հատուկ նշանակություն ունի։

Կողմերը նաև մտքեր են փոխանակել տարածաշրջանային անվտանգության և փոխադարձ հետաքրքրություն ներկայացնող մի շարք այլ հարցերի վերաբերյալ։

Հանդիպման ավարտին ստորագրվել է «Փոխադարձ ռազմական անվտանգության ամրապնդման մասին փոխըմբռնման հուշագիր»։