Air India-ի վթարված ինքնաթիռի կործանման վայրում հայտնաբերվել է մեկ փրկված

Մեկ փրկված է հայտնաբերվել Boeing 787-8 ինքնաթիռի կործանման վայրում: Փրկվածը հայտնաբերվել է ինքնաթիռի սրահի 11A տեղում: Նրան տեղափոխել են հիվանդանոց, սակայն նրա վիճակի մասին ոչինչ հայտնի չէ։

Ոստիկանության ներկայացուցիչը նշել է, որ ոչինչ չի կարող ասել ինքնաթիռի կործանման հետևանքով զոհվածների թվի մասին:

Ինքնաթիռում եղել է 242 մարդ, այդ թվում՝ 230 ուղևոր, 2 օդաչու և 10 բորտուղեկցորդուհի։ Նրանցից 169-ը Հնդկաստանի քաղաքացի է, 53-ը՝ Մեծ Բրիտանիայի հպատակ, 7-ը՝ պորտուգալացի, և 1-ը՝ կանադացի: Նշվում է, որ ուղևորների թվում եղել է 11 երեխա և երկու նորածին:

Վթարը տեղի է ունեցել Հնդկաստանի արևմուտքում գտնվող Ահմեդաբադ քաղաքի օդանավակայանից ինքնաթիռի թռիչքից 5 րոպե անց: Ինքնաթիռը պետք է վայրէջք կատարեր Լոնդոնում։