Մեզ համար թանկ է թե՛ Ադրբեջանը, թե՛ Հայաստանը. Զախարովա

Ռուսաստանի Դաշնությունը համապատասխան աշխատանք է տանում Երևանի և Բաքվի հետ՝ Հարավային Կովկասում իրավիճակի կայունացման ուղղությամբ, հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան՝ պատասխանելով Իսրայել-Իրան էսկալացիայի ֆոնին տարածաշրջանային հնարավոր ռիսկերի մասին լրագրողի հարցին:

«Կան համապատասխան մեխանիզմներ, աշխատանքային խմբեր, մասնագետներ, որոնք այս հարցերով զբաղվում են համապատասխան մակարդակներում։ Ահա թե ինչու ես անգամ չեմ ցանկանում մտածել կամ քննարկել այդ հարցը։ Մեզ համար թանկ են թե՛ Ադրբեջանը, թե՛ Հայաստանը՝ որպես երկրներ ու ժողովուրդներ, որոնց հետ մենք դարավոր հարաբերություններ, սերտ կապեր ունենք։ Իրանը ևս մեզ համար գործընկեր երկիր է, որի հետ զարգացնում ենք հարաբերությունները»,- ասել է Զախարովան և հավելել՝ Մոսկվայի առաջնահերթություններից է տարածաշրջանում կայունություն հաստատելը, այն ամրապնդելը տնտեսապես, ցույց տալ դրա օգտակարությունն ու շարունակական զարգացման և համագործակցության գերակայությունը։

Միջազգային նորությունները՝ Սյուզաննա Չրաղյանի ռեպորտաժում։