Վրաստանը և Հայաստանը կներկայացնեն մինչև 2029 թվականը Ֆուտբոլի աշխարհի առաջնությունն անցկացնելու համատեղ հայտ
Վրաստանը և Հայաստանը ՖԻՖԱ-ին համատեղ հայտ կներկայացնեն մինչև 2029 թվականը ՖԻՖԱ-ի աշխարհի առաջնությունն անցկացնելու համար։ Այս մասին հայտարարել է Վրաստանի ֆուտբոլի ֆեդերացիայի նախագահ Լևան Կոբիաշվիլին։
«Արդեն պաշտոնապես կարող եմ ասել, որ երկու հարեւաններ, ընկերներ, ֆուտբոլային պատմությամբ հարուստ երկրներ համատեղ հայտ կներկայացնեն 2029 թվականին 20 տարեկանների աշխարհի առաջնությունն ընդունելու համար։
Ցանկանում եմ շնորհակալություն հայտնել հայ գործընկերոջս համագործակցության համար։ Դա շատ կարևոր է մեր երկրների համար։ Մենք դրա փորձն ունենք, նմանատիպ մրցաշարեր ենք անցկացրել։ Հուսով եմ՝ մենք կհաղթենք եւ միասին կհյուրընկալենք այս կարեւորագույն մրցաշարը»,- ասել է Կոբիաշվիլին։
