ԱՄՆ-ի աջակցությամբ կամ առանց դրա՝ մենք չենք կարող թույլ տալ, որ Ռուսաստանը հաղթի. Ուրսուլա ֆոն դեր Լայեն
Եվրամիությունը չի կարող թույլ տալ, որ Ռուսաստանը հաղթի Ուկրաինայի պատերազմում՝ անկախ նրանից, թե ինչ կլինի ԱՄՆ-ում նախագահի ընտրությունից հետո, ասել է Եվրահանձնաժողովի նախագահ Ուրսուլա ֆոն դեր Լայենը։
«Պարզ ճշմարտությունն այն է, որ մենք չունենք հարմարավետության շքեղություն: Մենք չենք վերահսկում ընտրությունները կամ որոշումները աշխարհի այլ մասերում: Մենք պարզապես ժամանակ չունենք այդ հարցի շուրջ մանևրներ անելու համար»,- ասել է Եվրահանձնաժողովի նախագահը:
«Մեր գործընկերների աջակցությամբ կամ առանց դրա, մենք չենք կարող թույլ տալ, որ Ռուսաստանը հաղթի: Եվ անապահովության գինը՝ Ռուսաստանի հաղթանակի արժեքը, շատ ավելի մեծ է, քան ցանկացած խնայողություն, որը մենք կարող ենք անել հիմա»,- պնդել է Ֆոն դեր Լայենը։
Նրա խնդրանքը գալիս է ԱՄՆ նախագահի հանրապետական թեկնածու, նախկին նախագահ Դոնալդ Թրամփի հայտարարությունից հետո, երբ նա բացահայտ հայտարարել էր, որ «կխրախուսի» Ռուսաստանին անել «այն, ինչ ուզում են» ՆԱՏՕ-ի այն երկրների դեմ, որոնք չեն ծախսում իրենց ՀՆԱ-ի առնվազն 2%-ը պաշտպանության համար։ Այդ արտահայտություններին անմիջապես արձագանքել են և դատապարտել արևմտյան առաջնորդները, որոնք դրանք որակել են որպես «անխոհեմ» և «անպատասխանատու»:
Եվրախորհրդարանի աջև ելույթի ժամանակ Ֆոն դեր Լայենն ասել է, թե երբեք պետք չէ թերագնահատել Եվրոպայում նոր լայնամասշտաբ պատերազմի հնարավորությունը:
Հեղինակ՝ Սիլվի Սիրականյան
Բաժանորդագրվեք մեր տելեգրամյան ալիքին
