Շոլցը «անհեթեթություն» է անվանել Պուտինի հայտարարությունները Կարլսոնի հետ հարցազրույցում



Գերմանիայի կանցլեր Օլաֆ Շոլցը խստորեն քննադատել է Ռուսաստանի նախագահ Վլադիմիր Պուտինի հայտարարությունները ամերիկացի լրագրող Թաքեր Կարլսոնի հետ հարցազրույցում:
«Այդ հարցազրույցը ծաղր է Ուկրաինայում Ռուսաստանի իրական գործողությունների նկատմամբ։ Պուտինը բացարձակ անհեթեթ պատմություն է պատմում այդ պատերազմի պատճառների մասին»,- ասել է Շոլցը Վաշինգտոնում Ջո Բայդենի հետ համատեղ մամուլի ասուլիսի ընթացքում:
Գերմանիայի կանցլերը կարծիք է հայտնել, որ Ռուսաստանի նախագահի ցանկությունն է բռնակցել Ուկրաինայի մի մասը։ Նա Մոսկվայի ձգտումներն անվանել է «իմպերիալիստական»:
Շոլցի խոսքով՝ պատերազմն Ուկրաինայում կարող է ավարտվել ցանկացած պահի, բայց ոչ այնպես, ինչպես դա պատկերացնում է Ռուսաստանի նախագահը: