Չինաստանի վարչապետ Լի Կեցյանը շնորհավորել է Իրակլի Ղարիբաշվիլիին և վրաց ժողովրդին Չինաստան-Վրաստան դիվանագիտական հարաբերությունների 30-ամյակի կապակցությամբ
Չինաստանի Ժողովրդական Հանրապետության Պետական խորհրդի վարչապետ Լի Կեցյանը շնորհավորում է Վրաստանի վարչապետ Իրակլի Ղարիբաշվիլիին և վրաց ժողովրդին՝ Չինաստանի Ժողովրդական Հանրապետության և Վրաստանի միջև դիվանագիտական հարաբերությունների հաստատման 30-ամյակի կապակցությամբ։
Լի Կեցյանի խոսքով, Չինաստան-Վրաստան հարաբերությունները դիվանագիտական հարաբերությունների հաստատումից ի վեր 30 տարի շարունակ զարգանում են անշեղորեն։
«Չինաստանի կառավարության և անձամբ իմ անունից անկեղծորեն շնորհավորում եմ ձեզ, Վրաստանի կառավարությանը և վրաց ժողովրդին՝ Չինաստանի Ժողովրդական Հանրապետության և Վրաստանի միջև դիվանագիտական հարաբերությունների հաստատման 30-ամյակի կապակցությամբ և մաղթում հաջողություններ։
Դիվանագիտական հարաբերությունների հաստատումից ի վեր 30 տարիների ընթացքում Չինաստան-Վրաստան հարաբերությունները զարգանում են կայուն և անշեղորեն, աճում է քաղաքական վստահությունը կողմերի միջև, զարգանում է պրագմատիկ համագործակցությունը տարբեր ոլորտներում, ամրապնդվում են քաղաքացիների միջև հարաբերություններն ու մշակութային փոխանակումները։
Իմ ցանկությունն է համագործակցել ձեզ հետ և օգտագործել մեր միջև դիվանագիտական հարաբերությունների 30-ամյակը որպես հնարավորություն՝ ավելի խորացնելու մեր փոխշահավետ համագործակցությունը տարբեր ոլորտներում, ինչպես նաև ընդլայնելու Չինաստան-Վրաստան հարաբերությունների և բարեկամության ենթատեքստը՝ ի շահ մեր երկրների և ազգերի։
Մաղթում եմ ձեզ առողջություն և հաջողություններ ձեր գործունեության մեջ։ Կեցցե հավերժական բարեկամությունը Չինաստանի և Վրաստանի միջև»,- ասել է Լի Կեցյանը։Այս մասին տեղեկանում ենք Վրաստանի առաջին ալիքի կայքից։
