Սպիտակ տունը հայտարարել է, որ Յարոշենկոյի հետ Ռիդի փոխանակումը չի բարելավի Ռուսաստանի հետ ԱՄՆ հարաբերությունները


Ռուսաստանում պատիժը կրող ամերիկացի ուսանող Թրեվոր Ռիդի փոխանակումը ռուս օդաչու Կոնստանտին Յարոշենկոյի հետ որևէ կերպ չի ազդի Վաշինգտոնի և Մոսկվայի հարաբերությունների վրա, այն չի բարելավի ԱՄՆ-ի վերաբերմունքը Ուկրաինայում իրականացվող Ռուսաստանի հատուկ գործողությանը: Այն մասին գրում է РИА Новости-ն՝ հղում անելով Սպիտակ տան աղբյուրին, որը նաև նշել է, որ բանակցությունները սահմանափակվել են մեկ թեմայով՝ կալանավորների փոխանակումով։

Ռուսաստանի արտաքին գործերի նախարարությունը փոխանակման մասին հայտարարել է ապրիլի 27-ին։ Տեղեկությունը հաստատել է ԱՄՆ նախագահ Ջո Բայդենը։

Տեխասցի ուսանող Թրեվոր Ռիդը 2020 թվականին Մոսկվայում դատապարտվել է ինը տարվա ազատազրկման։ 2019 թվականի օգոստոսին նա հարձակվել էր ոստիկանների վրա, որոնց կանչել էին շենքի բնակիչները՝ հարբած Ռիդին հանգստացնելու համար։ Ճանապարհին ուսանողը ոստիկանության մեքենայում հարձակվել էր նաև իրավապահների վրա:

Կոնստանտին Յարոշենկոն ԱՄՆ-ում բանտարկվել է 2011 թ.: Նրան մեղադրել են թմրանյութերի մաքսանենգության մեջ և դատապարտել 20 տարվա ազատազրկման։ Յարոշենկոն ԱՄՆ է բերվել Լիբերիայից, որտեղ ձերբակալվել է 2010 թվականի մայիսի 28-ին։