ԿԺԴՀ-ն կարագացնի միջուկային զինանոցի ընդլայնումն ու զարգացումը. Կիմ Չեն Ըն


Հյուսիսային Կորեայի ղեկավար Կիմ Չեն Ընը Կորեայի ժողովրդական բանակի ստեղծման 90-ամյակին նվիրված զորահանդեսի ժամանակ հայտարարել է, որ Փհենյանը միջոցներ կձեռնարկի միջուկային զինանոցի ընդլայնման ու զարգացման ուղղությամբ՝ փոխանցում է Yonhap գործակալությունը:

Նշվում է, որ ԿԺԴՀ-ն նաև մանրակրկիտ նախապատրաստություն կանցկացնի ցանկացած ժամանակ միջուկային զսպման ծրագրի կիրառման համար:

«Հանրապետության միջուկային ուժերը պետք է մանրակրկիտ նախապատրաստվեն, որպեսզի ցանկացած պահի գործի դնեն զսպման իրենց յուրահատուկ ներուժը»,- նշել է Կիմ Չեն Ընը:

Նրա խոսքով՝ եթե որևէ պետություն ոտնձգություն կատարի Փհենյանի հիմնարար շահերի նկատմամբ, ԿԺԴՀ միջուկային ուժերը այլ տարբերակ չեն ունենա, քան անսպասելի պատասխան տալ դրան: