ԵԱՀԿ նախագահ. Ես շնորհակալություն եմ հայտնում Վրաստանի իշխանություններին և ժողովրդին Ուկրաինային աջակցելու համար
«Շնորհակալ եմ Վրաստանի իշխանություններին և ժողովրդին Ուկրաինային աջակցելու համար»,- ասել է ԵԱՀԿ գործող նախագահ, Լեհաստանի արտգործնախարար Զբիգնև Ռաուն Վրաստանի փոխվարչապետ և արտաքին գործերի նախարար Դավիդ Զալկալիանիի հետ հանդիպումից հետո տեղի ունեցած ճեպազրույցում։
«ԵԱՀԿ-ն բարձր է գնահատում Վրաստանի անվերապահ աջակցությունը Ուկրաինայում ԵԱՀԿ հատուկ դիտորդական առաքելությանը: Հատկանշական է նաև, որ Թբիլիսին օգնություն է առաջարկել ԵԱՀԿ ներկայացուցիչներին տարհանման գործընթացում»,- ասել է Զբիգնև Ռաուն։
Նրա խոսքով, Ուկրաինայի դեմ Ռուսաստանի ագրեսիան և նրա ավերիչ գործողությունները ԵԱՀԿ տարածքում մի շարք այլ երկրների դեմ, որտեղ Վրաստանը ամենավառ օրինակներից է, վկայում են Եվրոպայում սահմանները ուժով փոխելու փորձի մասին։
«Տանկերի և փշալարերի լեզուն խախտում է միջազգային իրավունքի հիմնական սկզբունքները։ Սա հակասում է ոչ միայն այնպիսի երկրների ինքնիշխանությանը և տարածքային ամբողջականությանը, ինչպիսիք են Վրաստանը, Ուկրաինան կամ Մոլդովան, այլև եվրոպական անվտանգության հիմնարար սկզբունքները»,- ասել է Զբիգնև Ռաուն։
Լեհաստանի արտաքին գործերի նախարարի խոսքով՝ Լեհաստանը, որպես ԵԱՀԿ գործող նախագահ, ջանք չի խնայի, որպեսզի Վրաստանի թեման արդիական լինի միջազգային օրակարգում։
