Դավիթ Զալկալիանին հանդիպել է աշխատանքային այցով Թբիլիսիում գտնվող Հայաստանի արտաքին գործերի նախարար Արարատ Միրզոյանի հետ
Վրաստանի արտաքին գործերի նախարար Դավիթ Զալկալիանին հանդիպել է աշխատանքային այցով Թբիլիսիում գտնվող Հայաստանի արտաքին գործերի նախարար Արարատ Միրզոյանի հետ։
Վրաստանի արտաքին գործերի նախարարության հաղորդմամբ, նախարարները քննարկել են տարբեր ոլորտներում երկկողմ համագործակցության ընթացիկ օրակարգը, ինչպես նաև իրավիճակը տարածաշրջանում։ Նրանք դրական են գնահատել Վրաստանի և Հայաստանի միջև բարձր մակարդակի շփումների դինամիկան, ինչը նպաստում է երկու երկրների հետագա մերձեցմանը և երկու երկրների միջև առևտրատնտեսական կապերի ընդլայնմանը։ Այս առումով նախարարները ողջունել են երկրների միջև տնտեսական հանձնաժողովների անցկացման պարբերական բնույթը։ Զրույցի ընթացքում քննարկվել է Հարավային Կովկասում կայուն խաղաղություն և կայունություն ապահովելու Վրաստանի վարչապետի նախաձեռնությունը։ Դավիթ Զալկալիանին իր հայ գործընկերոջը ներկայացրել է Վրաստանի օկուպացված շրջաններում տիրող մարդասիրական և անվտանգության ծանր միջավայրը։
Բացի այդ, կողմերն ուշադրություն են հրավիրել այն փաստի վրա, որ այս տարի լրանում է Վրաստանի և Հայաստանի միջև դիվանագիտական հարաբերությունների հաստատման 30-ամյակը և ընդգծել այս օրվա կարևորությունը։
