Ախալցխայում անցկացվեց «Գիտություն եւ նորարարություն միջազգային փառատոն 2017» ը
Ախալցխայի, Ռաբաթ բերդի ամֆիթատրոնում, հոկտեմբերի 2-ին տեղի ունեցավ «Գիտության եւ նորարարության 2017 միջազգային փառատոն»: Սամցխե-Ջավախքի եւ Թելավիի համալսարանների ուսանողները և տարբեր կենտրոնի ներկայացուցիչները ցույց տվեցին հետաքրքիր փորձեր եւ ինտերակտիվ գյուտեր: Փառատոնը բացվեց «Զվարճալի գիտություն» ցուցահանդեսով, որը հիմնականում ուղղված էր դպրոցի տարիքի երեխաների համար:
«Մենք անցկացնում ենք ֆիզիկական եւ քիմիական փորձեր»,- ասաց Թելավիի պետական համալսարանի ուսանող Մակո Մոլիշիշվիլին:
«Սա առաջին անգամն է, որ մենք մասնակցում ենք նման փառատոնի: Նմանատիպ հանդիպումները շատ կարեւոր են բոլորի համար: Մենք անում ենք մի վերլուծություն, թե ինչպես կարողանանք տարբերել հացի վնասված հացահատիկները միմյանցից: Բոլորն էլ շահագրգռված են, ինչպես մեծերը, այնպես էլ երեխաները», – ասում է Սամցխե-Ջավախքի համալսարանի ուսանողներից մեկը:
Սամցխե-Ջավախքի պետական համալսարանի վրաններից մեկում այցելողները կարող էին տեսնել քրեական փորձաքննության անցկացման գործընթաց:
«Գիտության եւ նորարարության փառատոն 2017» -ը, արդեն երրորդ տարին է, ինչ անցկացվում է Վրաստանում, որը կազմակերպվում է Վրաստանի կրթության եւ գիտության նախարարության կողմից: Ի տարբերություն նախորդ տարիների, այս տարի փառատոնը անցկացվում է Վրաստանի բոլոր խոշոր քաղաքներում: Փառատոնը սկսվել է սեպտեմբերի 24-ին եւ կավարտվի հոկտեմբերի 8-ին:
Akhaltskha.Net
