Ախալցխայում պաշտոնապես մեկնարկել է նախընտրական քարոզարշավը
Ախալցխայում մարդու իրավունքների պաշտպանի գրասենյակի ներկայացուցիչներ քննարկել են շրջանի հայությանը իրավունքների հետ կապված հարցեր
Չնայած նրան, որ արդեն պաշտոնապես մեկնարկել է նախընտրական քարոզարշավը, Ախալցխայում միայն երկու կուսակցությունն է այս պահի դրությամբ ներկայացրել քաղաքապետի թեկնածուի: Բոլոր թեկնածուները ունեն երկու ամիս ժամանակ, որպեսզի շահեն ընտրողների վստահությունը: Վրաստանում հոկտեմբերի 21-ին տեղի կունենան ինքնակառավարման մարմինների ընտրություններ
«Միասնական Ազգային Շարժում»-ի քաղաքապետի թեկնածու Իրակլի Բարձիմաձեն արդեն սկսում է նախընտրական քարոզարշավը: Նա դեռ չէ սկսել իր քարոզչական շրջագայությունը քաղաքում, սակայն ինչպես ինքն է վստահեցնում մշտական կապ ունի ընտրողների հետ:
«Եվրոպական Վրաստան»-ի Ախալցխայի քաղաքապետի թեկնածու, խորհրդարանի նախկին պատգամավոր Վաժա Չիտաշվիլին կանխատեսում է բարդ նախընտրական շրջան: Ինչպես նշում է նա՝ այս երկու ամիսների ընթացքում
կբացահայտվեն բազում կառավարական ռեսուրսների չարաշահումներ եւ ընտրողների նկատմամբ սպառնալիքներ: Ինչ վերաբերվում է նրա նախընտրական ծրագրին, ապա նա բնակչությանը իր նախընտրական ծրագիրը կներկայացնի սեպտեմբեր ամսից:
Իշխող «Վրացական Երազանք»-ը դեռ չէ ներկայացրել իր թեկնածուին, սակայն մոտակա օրերս պարզ կդառնա թե ով է լինելու տվյալ կուսակցության թեկնածուն:
Թեկնածուների հետ կապված նույն վիճակն է նաեւ «Միասնական Ժողովրդավարական Շարժում» եւ «Հայրենասերների Դաշինք» կուսակցությունների մոտ:
«Հայրենասերների դաշինք» կուսակցությունից նախնական տվյալներով քաղաքապետի թեկնածու է առաջադրվելու քաղաքային խորհրդի ընդդիմադիր պատգամավոր Ջիմշեր Գոգոլաուրին:
Akhaltskha.Net
