ԱՄՆ-ը ողջունում է Հայաստանի և Թուրքիայի համագործակցությունը սահմանային անցակետը ժամանակավորապես բացելու ուղղությամբ. Բոնո
Միացյալ Նահանգները ողջունում է Հայաստանի և Թուրքիայի միջև համագործակցությունը Մարգարա-Ալիջան սահմանային անցակետը ժամանակավորապես բացելու ուղղությամբ, որպեսզի Հայաստանին հնարավորություն ընձեռվի մարդասիրական օգնություն ցուցաբերել Սիրիայի ժողովրդին:
Այդ մասին X-ի միկրոբլոգում գրել է ԱՄՆ Պետքարտուղարության Կովկասի բանակցությունների գծով գլխավոր խորհրդական Լուիս Բոնոն:
«Սա ցույց է տալիս, թե ինչպես է Հարավային Կովկասում համագործակցությունն օգուտ տալիս ողջ տարածաշրջանին»,- նշել է ամերիկացի պաշտոնյան։
The United States welcomes the cooperation between Armenia and Turkiye to temporarily open the Margara-Alican border crossing to allow Armenia to provide humanitarian assistance to the Syrian people. This shows how cooperation in the South Caucasus benefits the entire region.
— Senior Bureau Official Louis Bono (@StateEUR) March 21, 2025
